12 сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зимни сафари корӣ дар ноҳияи Тоҷикобод бинои навбунёди Қасри фарҳангро мавриди баҳрабардорӣ қарор доданд.
Қасри фарҳанг ҳамчун иншооти ҷашнӣ дар доираи истиқболи сазовор аз 35-солагии Истиқлоли давлатии Ҷумҳурии Тоҷикистон дар шаҳраки Тоҷикобод бо тарҳи зебову муосир ва санъати баланди меъморӣ сохта шудааст.
12 сентябр Пешвои миллат муҳтарам Эмомалӣ Раҳмон зимни сафари корӣ дар ноҳияи Тоҷикобод аз ҷараёни бунёди маҳаллаи нав дар деҳаи Сафедмуни ҷамоати деҳоти Қалъаи лаби об боздид намуданд.
Ҳоло деҳаи Сафедмун дорои 430-хоҷагӣ ва 4-ҳазор аҳолӣ мебошад. Маҳаллаи навбунёд аз 60 хонаи истиқоматӣ иборат хоҳад буд, ки барои қишри ниёзманди ноҳия, аз ҷумла ятимону маъюбон, бенавоён ва мисли онҳо пешбинӣ шудааст. Лоиҳаи иншооти мазкур дар заминаи ҳамкории ҷамъияти хайриявии “Тоҷикистон” бо шарикони хориҷии рушд бунёд мегардад.
12 сентябр дар идомаи сафари корӣ Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ноҳияи Тоҷикобод бинои нави Раёсати молияро мавриди баҳрабардорӣ қарор доданд.
Бинои нави раёсати Вазорати молияи Ҷумҳурии Тоҷикистон дар ноҳияи Тоҷикобод бо шароиту имконоти хуби корӣ барои фаъолияти самараноки кормандон таъмин мебошад.
Тавре аён гардид, бино аз ду ошёна ва таҳхона иборат буда, дорои маҷлисгоҳ, бойгонӣ, китобхона ва 8 ҳуҷраи замонавии кории муҷаҳаз мебошад.
Сафари кории Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ноҳияи Тоҷикобод аз ифтитоҳи бинои нави маъмурии Ҷамоати деҳоти “Зарафшон” оғоз гардид.
Иншооти навбунёд дар заминаи дастгириҳои ҳамешагии Ҳукумати Ҷумҳурии Тоҷикистон ба истиқболи ҷашни бузургу муқаддаси миллӣ, 35-солагии Истиқлоли давлатии Ҷумҳурии Тоҷикистон сохта шудааст.
Ҳамватанони азиз!
Дар ибтидо сокинони сарбаланду заҳматдӯсти ноҳияи Лахш ва ҳамаи шумо – ҳозирини гиромиро ба ифтихори ҷашни 33-солагии истиқлоли давлатии Тоҷикистони азизамон, ки барои мардуми мо рӯзи воқеан таърихиву тақдирсоз ва ҷашни муқаддасу бузург ба ҳисоб меравад, самимона табрик мегӯям.
Барои дастгирӣ аз сиёсати давлату Ҳукумати мамлакат, заҳмати содиқона ба хотири пешрафти Ватан, инчунин, истиқболи самимӣ арзи сипос менамоям.
12 сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ноҳияи Лахш бо роҳбарону фаъолони ноҳия мулоқоти самимӣ доир намуданд.
Дар ибтидои вохӯрӣ Сарвари давлат муҳтарам Эмомалӣ Раҳмон сокинони сарбаланду заҳматдӯсти ноҳияи Лахш ва ҳамаи иштирокдорони мулоқотро ба ифтихори ҷашни 33-солагии Истиқлоли давлатии Ҷумҳурии Тоҷикистон, ки барои мардуми мо рӯзи воқеан таърихиву тақдирсоз ва ҷашни муқаддасу бузург ба ҳисоб меравад, самимона табрик гуфтанд.
12 сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар шаҳраки Ваҳдати маркази ноҳияи Лахш хатти оби нӯшокиро мавриди истифода қарор доданд.
Оби нӯшокӣ худҷорӣ буда, тавассути қубури қутраш 160 миллиметра аз масофаи 18 километр ба ду обанбор, ки ғунҷоиши ҳар кадоми онҳо 250 метри мукаабро ташкил медиҳад, интиқол меёбад.
Иттилоъ дода шуд, ки лоиҳаи хатти оби нӯшокӣ дар ҳамкорӣ бо шарикони рушд татбиқ шудааст.
12 сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо сафари корӣ ба ноҳияи Лахш ташриф оварданд.
Сафари кории Сарвари давлат муҳтарам Эмомалӣ Раҳмон аз шиносоӣ бо лоиҳаи бунёди Қасри фарҳанг дар ноҳияи Лахш оғоз ёфт.
Иттилоъ дода шуд, ки фармоишгари иншоот Муассисаи давлатии “Дирексияи сохтмони иншооти ҳукуматӣ”-и Дастгоҳи иҷроияи Президенти Ҷумҳурии Тоҷикистон буда, лоиҳаи он аз ҷониби Ҷамъияти саҳомии кушодаи “САНИИОСП” таҳия шудааст.
Дар доираи сафари корӣ ба ноҳияи Нуробод Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо рафти корҳои сохтмонӣ дар роҳи мошингарди Роғун - Обигарм - Нуробод шинос шуданд.
Масофаи умумии роҳ 76 километрро дар бар гирифта, ҳоло 3500 коргару мутахассис бо истифода аз 400 техникаву механизмҳо барои ба анҷом расонидани сохтмон фаъолият доранд.
Сохтмони роҳ дар доираи лоиҳаи “Ҳамкории иқтисодии минтақавии Осиёи Марказӣ” татбиқ гардида, ба 3 қитъа ҷудо мегардад.
Ҳамдиёрони гиромӣ!
Қабл аз ҳама, кулли мардуми заҳматқарини ноҳияи Нуробод ва ҳамаи шумо – ҳозирини муҳтарамро ба ифтихори ҷашни муқаддасу бузурги миллиамон – 33-солагии истиқлоли давлатӣ, ки ду рӯз пеш таҷлил гардид, самимона табрик мегӯям.
Боиси ифтихору сарбаландии ҳар яки мост, ки ҳоло дар кишвари азизамон ба шарофати истиқлоли давлатӣ, сулҳу суботи комил ва ваҳдати миллӣ барои заҳмати созандаи сокинони мамлакат, зиндагии орому осуда, баргузор намудани ҷашнҳои милливу давлатӣ ва чорабиниҳои сиёсиву фарҳангӣ шароити мусоид фароҳам оварда шудааст.
